「要來裝重嘢,肩帶要夠厚,但唔好咁厚,要孭得舒服」。「要孭得挽得,但條帶唔好太長」......以上都是顧客向虹媽訂造tote bag的通常要求,不過有些查詢幾Liu Lung——「想知塊布摸上手嘅感覺」

 

絕不違和!負責面向客戶的阿虹覺得合理,因為她和媽媽與妹妹同樣是有要求的人,注重細節,更何況訂造過程只透過網絡溝通,梗係要問清問楚。

 

關於布料手感,主觀又難以形容,阿虹總是提議寄出布辦,不過次次客人都作罷,覺得可以就此落單,大概巳被店方的慇勤所感動。

 

Mommy’s Bag開檔近三年,至今只做到收支平衡,阿虹話最大的收穫是滿足感。虹媽以前在鄉下做裁縫,造埋自己和阿女的衣裳,阿虹講起都覺幸福。來香港後,虹媽不再造衫,去酒店打工,即使如此,這個家的三位女性,衣著一直得到親友讚美。不過令兩位後生女氣結的,是朋友覺得虹媽的配搭最潮最靚,證明她的眼光不因年長而落伍。

 

後來虹媽退休,百無聊賴,兩姐妹鼓勵她幫人車袋,做番自己最熱愛同專長的。阿虹幫她在臉書和IG開專頁宣傳,答客問,阿妹搵朋友做model影相放上網。從此母女仨逛街或外遊順便買布,樂在其中,布買回來後三人合力設計好用又靚仔的各種布袋,近期更車埋口罩。

 

客人有男有女,有唔少feedback,一句多謝,一句讚好,甚至造完又造,介紹埋朋友,都係對虹媽手藝的肯定。

三母女最近收到一倍客人的短訊,言談間透露自己是抗疫前線醫護,每日拎住她們的出品返工,但覺心頭溫暖。手作對工匠和用家都是療癒。

 

IG連結https://instagram.com/mommysbag2017?igshid=e9eek7ip7m2j

臉書https://www.facebook.com/mommysbag2017/

 

#手作

#婦女創業

#療癒