盆栽幫到你

盆栽幫到你
朝霧草、斑葉金錢薄荷、黃金萬年草,幾個月冇嚟,朋友Horace的office又多咗好多小生命。「要唔要吖?」Horace問,「知你嚟,諗住畀啲你。」我哋好似玩梗交換禮物,因為我拎咗屋企嘅柚子薄荷同越南芫荽嚟。都係朋友畀的,睇住佢地由奀之之嘅枝梗種到茂盛到癲咗咁,好神奇。我不斷修剪,分盆,不斷同佢地搵好人家開枝散葉,最後可能搞到個個Friend嘅盆栽都有來歷。最初係我枕住搵Horace收留我啲植物囝囡,後來輪到佢不斷送我。其實喺辦公室擺小盆栽冇咩出奇,只係Horace同盆栽嘅關係多咗啲起承轉合,仲幫到佢,好值得同大家分享。   *   *   *                  *   *   *                  *   *   *   三年前我拎咗盆吊蘭、到手香同一包蕃茄種子去Horace度,佢一時伊哦盆栽濕立立怕影響辦公室嘅結構,一時驚惹來蚊螆,話座向唔夠太陽,又話冇時間打理。我大力宣傳吊蘭可以淨化空氣,到手香驅蚊,蕃茄可以食。Horace作狀打冷震,佢話唔敢食,種嚟睇巳經夠。終於佢好仗義咁收留咗我啲植物。   *   *   *                  *   *   *                  *   *   *   之後探佢,由樓下望上去,三樓一片綠,好斑駁,高棟棟嘅番茄爬滿所有窗戶。一入office,大陣草青味,原來Horace分咗好多盆蕃茄出嚟,果實雖然唔少,但全部青BB﹐呢度嘅陽光真係爭啲。問佢有冇疏苗,Horace話唔理強弱,只要出到苗都種好佢。搵番棵到手香,一貫的粗生到暈,好多梗,葉片肥厚。至於吊蘭,巳經生咗好多下一代出嚟,Horace仲問我要唔要。   *   *   *                  *   *   *                  *   *   *   再之後,Horace盆栽嘅數量唔可以再用個「啲」字嚟形容。有一期,佢張枱擺滿躝藤植物叮叮噔噔,搞到佢成隻森林精靈咁。不過隻精靈唔係喺度唱歌而係打電腦。由嗰陣開始,佢喺FB不時po啲花花草草,呃咗好多like。大家讚佢喺工廠區開闢咗個secret garden,佢呢間租畀人上瑜伽堂、開會或排練嘅多用途工作室本來嘅設計就以木紋為主,另外又一直擺放漂書箱歡迎愛書人循環使用舊書,將辦公室變得綠油油可謂一拍即合。Horace眉飛色舞地同我講佢喺花墟同網店見到好多未見過嘅得意植物,細細盆,唔算貴;有啲花盆賣得好平,又出示某些店家給他的特效花藥,講到點好,不過唔知咩成分。我話任何容器都可以做花盆,搵個膠樽入啲糖、水同果皮,擺一兩個月就造到環保酵素,開稀佢造肥料就安全得多。   *   *   *                  *   *   *                  *   *   *   隔一陣再去佢度,發現佢枱底多咗好多大大支嘅自釀環保酵素,等待熟成。另外,佢收集客人用完嘅瓶瓶罐罐,好有創意咁改裝成獨特嘅花器。   *   *   *                  *   *   *                  *   *   *   而家,唔止辦公室變咗花園, 工作室亦變埋綠,例如lift口用虎尾劍代替以往嘅假花,玄關放龜背竹嚟迎客,所有房間都盡量搵放小盆栽做裝飾,同時清除空氣中嘅毒素。Horace話早排lockdown停晒工,好彩有好多花花草草打理,日日望住佢哋,幫佢渡過咗好多難捱嘅日子。外面雖然灰濛,胭脂雲依然生得密密麻麻,灰白色的頂部透著淡粉紅,好精靈。黃金萬年草啱晒懶人,唔使點灑水,唔覺唔覺,忽然生多咗十幾粒,粒粒漲卜卜。常春藤同黃金葛嘅枝葉伸展得好長,長到可以打蛇餅。Horace話最得佢歡心係同李香蘭差一個字嘅夢香蘭,雖然只係細細朵花仔,佢一直冇失拖keep住開花。植物真係正,就咁努力做好自己,唔聲唔聲就幫到人。                              

「Always Be Yourself」創業姊妹期間限定店正式登場!

「Always Be Yourself」創業姊妹期間限定店正式登場!
我們相信「創業」在不少婦女想像中,牢固的照顧家庭的性別角式定型,加上社會甚少支援婦女創業,往往支援青年居多,導致婦女創業總配搭夢想兩隻字出現。 相信不少個妳總有想像過,想租個格仔鋪,開個時裝鋪,想當個老闆,擁有策劃或話語權,但往往不知該如何起步,拖下一日又一日,遲遲未能完夢。 最近很流行沒有實體店,於網上建立自己的商店賣自己的產品,如IG SHOP,FACEBOOK等,不少婦女對這類減免一大筆租金的微創業都充滿好奇。而我們深信每個女性都有獨特的能力,憑著自己的興趣、手藝、能力等為自己賺取零用錢。   我們的「婦女創不同」計劃,助參加者了解自己技能及手作產品的市場價值,還教授食材貨源、基本食物法例、銷售渠道、食物安全及中央廚房運作基本規則、小本經營公司的會計知識及報稅方法等…   感謝 周大福慈善基金 的熱心支持,讓姊妹們可以完夢,在實體店售賣自己的作品!超過15個創業姊妹的獨立手作品牌在黃大仙一同展現予大眾,想了解每位姊妹創業背後的故事?歡迎親身到「Always Be Yourself」創業姊妹期間限定店,找姊妹們聊聊天,更歡迎大家試食~   地點:黃大仙翔盈里6C 號鋪 開放時間:上午11時 至 晚上7時 開放日期至11月3日   如有任何問題,歡迎致電 2386 6256 與香港婦女中心協會聯絡!

環保基金—綠號院線11月26日放映

環保基金—綠號院線11月26日放映
「環保基金—綠號院線」最後一場放映會定於11月26日在黃大仙區舉行,千萬不要錯過! 放映電影:《水果獵人》 日期:2019年11月26日(二) 時間:晚上7 : 00 - 9 : 30* 地點:黃大仙社區中心會議室 (黃大仙正德街104號)  *活動設映後分享會,由「食德好」代表擔任分享嘉賓   「食德好」從2009年開始恆常從街市收集收市後會被丟棄的完好蔬菜、水果分享給有需要人士,為全港第一個食物回收分享計劃,數年間已從大埔延伸到元朗。面對食品價格飆升,食德好的工作可舒緩基層市民的經濟負擔,並帶給他們一些營養豐富的蔬果,同時亦減少食物(及地球資源) 的浪費,亦減慢堆填區的飽和速度。 截止2018年3月,「食德好」食物回收計劃一共收集約1,050公噸食物。除了收取賣剩的蔬菜水果,食德好亦回收麵包及包裝食品送給有需要人士及團體,更為待業烹培訓學員烹調美味的午餐。務求可食用的新鮮食物能夠分發給有需要人士,不用成為環境和社會的負擔。 至於廚餘和品質欠佳的食物會送往農場堆肥,讓珍貴的天然資源可以循環不息。 水果獵人|2012|95 min|加拿大|導演: 張僑勇|中文字幕 你知道水果是從什麼時候出現的嗎?現今我們所熟知的水果已經和它們原初野生的樣貌相差甚遠,它們在幾千年來被栽培與改良,和人類的歷史以及文化密切相關。本片追蹤了數位「水果獵人」,前往美國的夏威夷、秘魯的利馬、亞馬遜流域、印度尼西亞的婆羅島,以及義大利等地尋訪各種奇珍異果。本片不僅改變我們看待食物的方式,也讓我們重新思考身為人類的意義。 影片參展: 阿姆斯特丹國際紀錄片影展、多倫多亞洲國際電影節、蒙特婁國際紀錄片影展 導演張僑勇憑著《沿江而上》和《千錘百煉》兩度獲得金馬獎最佳紀錄片獎 預告: https://www.youtube.com/watch?v=ANUPINHT5dI 報名: https://forms.gle/MqZob3ZqdWYKhGu66